Ish-deputeti i Partisë Socialiste, Namik Dokle i është drejtuar me një letër nipërve të tij, të cilët në këto ditë pandemie nuk kanë arritur t’i shohin prindërit, pasi i janë bashkuar misionit human të mijëra mjekëve për të mundur virusin që ka mbërthyer botën.

 

Kur e gjithë kjo të përfundojë dhe njerëzimi të çlirohet nga virusi, ish-deputeti u tregon që gjithçka do të jetë si mirë parë dhe se ata do të vijnë në Shqipëri për të kaluar ditët e pushimit.

 

Në fund të betejës, Dokle iu shkruan që ata do të ndihen krenarë për prindërit e tyre, të cilët u përkushtuan aq shumë për të shpëuar jetë njerëzish.

 

MIREMENGJES, SARA DHE RUBEN! Ndoshta akoma nuk jeni zgjuar, por gjyshi nuk duron me gjate per t’u pershendetur. E di qe jeni merzitur; u be me shume se nje muaj qe nuk dilni, nuk shkoni ne shkolle, nuk takoheni me shoket dhe shoqet, dhe, kryesorja, nuk takoni dot mamin dhe babin, sepse ata vazhdojne punen ne spital, perpiqen te shpetojne te semuret. Epo, mire, te pakten flisni ne skajp, apo jo? Por mos u merzitni! Mami Manjola dhe babi Arviti, bashke me mijera mjeke te tjere, ne Itali dhe ne bote, do ta mundin koronavirusin dhe semundjen e mallkuar. Dhe ju…do te vini perseri me pushime ne Shqiperi, do shetisim bashke e do hame pica te Pazari i ri, bashke me nana Qefseren dhe daja Belin, do shkojme ne Shkoder te hame tave krapi me nana Hyrin, do shkojme perseri ne bjeshket e Gores te shihni fshatin e gjyshit, pastaj do zbresim poshte, ne Prizren e do pime uje te cezma e Shadrivanit. Thone se kush pi ate uje fatsjelles nuk e ze asnje semundje. Pastaj do te shkojme perseri ne Sarande, do zhytemi ne ujerat e Jonit, ndersa ne mbremje, do shikojme perendimin e diellit. Ja, edhe pak, edhe pak dhe do ta fitojme kete lufte! Dhe Ju do te jeni krenare per mamin dhe babin qe u perkushtuan aq shume per jeten e njerezve! Ju puc shume, shuuuume!”

 

Leave a Reply

Your email address will not be published. Required fields are marked *