Ajo është një divë e skenës shqiptare. Nuk është ndalur në asnjë moment dhe nuk di të ndalet. Prej saj gjithmonë priten turbulence emocionale, të cilat të lënë pa frymë. E dashuruar përjetësisht me muzikën, e dashuruar shpirtërisht dhe fizikisht me Skerdin, kuptimi i gjithçkaje mban një tjetër emër, Grace.
Vajza e madhe e Aurelës mbush sot 5 vite, që prej ardhjes së saj në jetë. Aurela, që deri më tani ka preferuar të mos publikojë foto të vajzës, por daljet e saj të jenë të pakta në rrjetet sociale, sot e ka thyer këtë rregull. Për Grace, Aurela do “ti thyente” të gjitha. Ja se si e uron mami Aurela, vajzën e saj: “ Si sot ne kete ore , 5 vjet me pare te mora ne duar bashke me babin tend , e qe nga ai moment, jetet tona ndryshuan kuptimin. Cdo gje qe benim dikur e benim per vete. Tani cdo gje qe ne bejme, merr emrin tend . Emrin GRACE (Grejs) HIRI I PERENDISE. Te jesh e qeshur gjithe jeten o dashuria jone . Nuk di se si ikin ditet e muajt e ti na rritesh para syve, nga ajo bebja E Vogel e brishte e bukur qe mora ne duar , sot me krekosesh me syzet e mija duke bere poza . Te duam shume o diamanti qe i dhe kuptim cdo sekonde qe marrim fryme.”
“Hiri i Perëndisë” për mami Aurelën dhe babi Skerdin, do të bëhet shumë shpejtë me një motër, që sigurisht do të jetë një ëngjëll dhe një prekje e re e Zotit në jetën e tyre. Bashkohemi dhe ne në urimet në ditën e lindjes së Grace dhe gjithashtu urojmë shtatëzani të mbarë deri në fund për mami Aurelën.
