Ministrja e Shëndetësisë, Ogerta Manastirliu ka shpërndarë mesazhin e mjekut të njohur infeksionist Tritan Kalo drejtuar qytetarëve për kufizimin e lëvizjes dhe vetizolimin.
Me qëllim parandalimin e përhapjes së koronavirusit, Kalo bën apel që të vetëizolohen të gjithë ata që kanë kontakte me persona të infektuar dhe të respektojnë në maksimum rregullat e higjienës.
Nëse respektohen rregullat, mjeku shprehet i sigurtë që të gjithë do të dalin të fituar nga kjo betejë.
“Ju lutemi bëni edhe ju maksimumin tuaj, nëpërmjet këputjes së zinxhirit të përhapjes së sëmundjes, nëpërmjet zbatimit të rregullave të atij që quhet distancim social, pra kufizimin e lëvizjes dhe vetëizolim nëse keni kontakte me persona të sëmurë dhe të respektoni në maksimum rregullat e higjienës vetjake, sepse vetëm kështu do të jemi në gjendje t’ja dalim mbanë me një armik të padukshëm. Ju lutem na respektoni! Ne do të bëjmë maksimumin për të shpëtuar jetët tuaja”.
