Vendosja e tritolit një ditë më parë në banesën e 62-vjeçares Frida Sala në Shkodër duket se është një mesazh për djalin e kësaj të fundit.
Burime pranë organit të akuzës bëjnë me dije se një prej pistave ku është përqendruar puna hetimore lidhet me aktivitetin e djalit të doganieres. Policia ka dyshime se eksplozivi është vendosur si një paralajmërim për Dori Salën i cili është i përfshirë në një kompani bastesh online. Lufta mes grupeve kriminale për dominimin e basteve online dyshohet se qëndron pas kësaj ngjarjeje.
Lexo edhe :
Related Posts
Prokuroria dhe policia kanë të dhëna se Sala është menaxheri i serverave të internetit të kompanisë së basteve. Pavarësisht kësaj piste hetimi i riu ka mohuar që të ketë lidhje me aktivitetin e basteve online.
Ngjarja ndodhi rreth orës 3:40 minuta të mëngjesit të një dite më parë kur tritoli shpërtheu në derën e shtëpisë të familjes Sala. Fatmirësisht u shkaktuan vetëm dëme materiale ndërkohë që në banesë ndodhej e gjithë familja.
Efektivët kanë arritur që të sigurojnë pamjet e momentit të autorit të dyshuar i cili vjen me një motor me skafandë në kokë dhe pasi hedh lëndën eksplozive në banesën e familjes Sala largohet me shpejtësi. Nga kamerat policia nuk ka arritur që ta identifikojë autorin deri më tani për shkak të skafandës që mbante në kokë.
