Një ditë para se të mbyllë fushatën elektorale në Tiranë, lideri i opozitës, Sali Berisha, u ka drejtuar një mesazh të gjithë qytetarëve, që të marrin pjesë masivisht në zgjedhjet e së dielës. Berisha u ka bërë apel qytetarëve të mos qëndrojnë indiferent, por të vendosin me votë për të ardhmen e tyre.
“Thirrja ime është të merrni pjesë në votime, mos dëgjoni njeriun që ka frikë dhe tmerr nga vota juaj. Vetë kjo thirrje duhet të zgjojë te ju përgjegjësinë e madhe që keni ndaj vetes, familjes dhe vendit dhe duhet ta ushtroni atë përgjegjësi me votën tuaj të lirë.”
Berisha vuri në dukje se vota për koalicionin “Bashkë Fitojmë”, është votë për një të nesërme më të mirë.
“Vota për ndryshimin është votë që çel dyert për një gjendje më të mirë ekonomike, për një konsolidim të familjes shqiptare. Për rroga më të larta, për shkollim më të, mirë për fëmijët, për kujdes shëndetësor më të mirë. Kiu bëj thirrje të gjithë burrave të marrin pjesë në këto votime, dhe të votojnë ndryshimin, sepse alternativa tjetër është humbja e vendeve të punës dhe largimin nga Shqipëria.”
Lideri historik i demokratëve u bëri apel edhe sipërmarrësve, të mbështesin opozitën.
“Biznesmenëve, gjithashtu iu bëj thirrje të votojnë ndryshimin që të çelin rrugën, të çelin dyert për një politikë të re fiskale nga kandidatët e Primareve, për një perespektivë reale për ndryshimin e këtij pushteti.”
Nesër në orën 19.00, koalicioni “Bashkë Fitojmë” do të mbyllë fushatën në Tiranë, në sheshin “Nënë Tereza”.
