Shoferi që shkaktoi aksidentin tragjik në Slavonski Brod të Kroacisë do të qëndrojë një muaj në paraburgim. Masa e sigurisë ndaj 52-vjeçarit u caktua sot nga gjykata kroate.
Sipas dëshmive, shoferin e kishte zënë gjumi në timon vetëm 30 minuta pasi kishte marrë drejtimin e autobusit.
Nga aksidenti, humbën jetën 10 persona,15 persona u lënduan rëndë, ndërsa 30 udhëtarë pësuan dëmtime më të lehta.
Të lënduarit u transportuan në spitalin rajonal në Slavonski Brod, ku po mbahen për trajtim të mëtejshëm mjekësor.
