Zyrtarisht i është hapur rruga realizimit te dy projekteve te rëndësishme infrastrukturore. Komisioni i Ekonomisë miratoi nje hua prej 35 milion dollarësh, per te përfunduar rrugën Tirane-Elbasan. Behet fjale per segmentin prej 13 km nga Sauku deri tek Tuneli i Krrabes. Fondi është dhënë nga Banka Islamike, e cila miratoi kete kërkesë te qeverise shqiptare. Nevoja për kete hua shtese erdhi pas rrëshqitjeve ne zonën e Ibes dhe rishikimit te punimeve.
Ky segment rrugor pritet te përfundoje ne 90 % te punimeve te tij, para zgjedhjeve te 18 qershorit. Paralelisht, Komisioni i Ekonomisë miratoi edhe nje hua tjetër per rehabilitimin e sistemit hekurudhor Tirane-Durres me nje degëzim ne Rinas. Sipas te dhënave nga ministria e linjës, punimet per kete projekt mund te nisin ne shtator. Kostoja totale arrin ne 91 milion euro, nga te cilat 36.8 milionë jane kredi nga BERZH, ndërsa pjesa tjetër jane grant nga marrëveshja e Berlinit, por ka edhe financim nga qeveria shqiptare.
