Merr flakë linja e tensionit në zonën e Laprakës në Tiranë.
Ngjarja ka ndodhur para shkollës 9-vjeçare në Laprakë, “Ahmet Gashi” duke bërë që të evakuohen nxënësit. Nuk ka pasur vend për alarm apo për panik, ndërsa evakuimi i nxënësve është bërë për arsye sigurie.
“Më datë 17.01.2022, rreth orës 11:00, në Laprakë, jashtë rrethimit të shkollës “Ahmet Gashi”, në një shtyllë tensioni, ka pasur shkëndijë elektrike, ku ka vetëm dëme materiale. Në vendngjarje kanë kaluar shërbimet e OSHEE-së, të cilat po merren me riparimin e saj”, njofton policia.
