Merkel pro zgjedhjeve të reja
Pas dështimit të bisedimeve për formimin e qeverisë së re, kancelaria gjermane Angela Merkel është shprehur se do të preferonte zgjedhje të reja sesa të qeverisë në pakicë.
“Pikëpamja ime është se zgjedhjet e reja do të ishin rruga më e mire. Rruga drejt formimit të qeverisë po rezulton më e vështirë nga ç’kishim shpresuar”, tha ajo për televizionin ARD.
Këto komente të kancelares vijnë pas takimit me presidentin gjerman Frank Walter Steinmeier, i cili u bëri thirrje partive të rikonsiderojnë pozitat e tyre e të bëjnë kompromis për hir të mirëqenies së Gjermanisë.
Por, pavarësisht krizës politike në të cilën ndodhet Gjermania, Merkel theksoi se nuk kishte asnjë arsye pse të jepte dorëheqjen nga posti i saj.
Duke folur për dështimin e formimit të një koalicioni qeverisës, Merkel shpjegon se pengesa kryesore mes 3 partnerëve ishte çështja e emigracionit.
Christian Lindner i partisë FDP tha se nuk ekzistonte asnjë bazë besimi për të krijuar një qeveri me aleancën konservatore dhe Partinë e Gjelbër, pasi ata dhe Merkel nuk kishin arritur një marrëveshje mbi emigracionin.
Merkel doli fituese në zgjedhjet e shtatorit, por nuk arriti të sigurojë shumicën. Ndërsa votuesit gjerman për herë të parë shprehën zemërimin e tyre për vendimin e kancelares për hapjen e kufijve për miliona refugjatë gjatë vitit 2015.
