Pasi shtyu vizitën ne Shtetet e Bashkuara per shkak te motit te keq, kancelaria gjermane Merkel eshte detyruar te ndryshoje gjithë axhenden e saj te takimeve. Kështu, ajo ka pritur mbasditen e kësaj te marte ne Berlin kryeministrin serb Vuçiç, ne nje vizite qe ishte planifikuar te behej ne datën 17 mars. Ne konferencën e përbashkët per shtyp, kancelaria Merkel theksoi edhe njëherë mbështetjen e Gjermanisë per integrimin e rajonit te Ballkanit ne Bashkimin Europian, ndërsa kërkoi angazhimin e Serbisë per marrëdhënie te mira me fqinjët, ne veçanti Kosovën.

 

“Jemi te vëmendshem ndaj zhvillimeve ne Ballkan. Gjermania ka bere dhe do te vijoje te beje investime te mëdha ne kete rajon. Presim nga Serbia, por edhe nga shtetet e tjera qe te ndërtojnë ura bashkëpunimi dhe marrëdhënie sa me te mira. Gjithashtu, inkurajoj vazhdimin e dialogut mes Serbisë e Kosovës per zgjidhjen e çështjeve ne te mire te qytetareve.”  

 

Kryeministri Vuçiç deklaroi se Gjermania është nje partner shume i rëndësishëm per Serbinë, per shkak te pranise se madhe te investitorëve gjermane ne vend. Ai garantoi kancelaren Merkel per vazhdimin e reformave.

 

“E falënderoj kancelarin për mbështetjen e vazhdueshme per Serbinë dhe per nismën e iniciuar prej saj për samitin e Ballkanit Perëndimor. Vetëm përmes projekteve te përbashkëta, bashkëpunimit dhe koordinimit, ne mund te ecim përpara ne rrugën e progresit. Jemi te angazhuar per dialog me Kosovën, por jemi kundër veprimeve te njëanshme.”

 

Vizita e Vuçiç ne Berlin vjen ne kohen kur parlamenti i Kosovës votoi nje rezolute per ngrirjen e dialogut me Serbinë per shkak te rastit Haradinaj.

 

 

 

Leave a Reply

Your email address will not be published. Required fields are marked *