Në një periudhë kur kritikat ndaj Organizatës Botërore të Shëndetësisë për pandeminë nuk kanë munguar, kancelarja gjermane Angela Merkel mbrojti punën e bërë deri tani.
Megjithatë, duke folur në Asamblenë Botërore të Shëndetit, Merkel sugjeroi se OBSH mund edhe të përmirësohet.
“Organizata Botërore e Shëndetit është institucion legjitim, global, ku të gjitha temat diskutohen së bashku. Ky është rasti që ne duhet të vazhdojmë të shikojmë se si mund të përmirësojmë më tej funksionimin e tij.”
Merkel tha se bashkëpunimi ndërkombëtar ishte thelbësor për tejkalimin e pandemisë.
OBSH është kritikuar ashpër nga disa liderë botërorë, veçanërisht presidenti amerikan Donald Trump, i cili e ka akuzuar atë për keqmenaxhim të pandemisë.
