Merkel humb zgjedhjet në Meklenburg

Zgjedhjet rajonale ne landin e Mecklenburg-Vorpommern ishin nje test per kancelaren gjermane Angela Merkel, duke qene edhe zona e saj elektorale, por partia CDU pësoi disfate. Ajo u rendit e treta pas partisë Alternativa per Gjermaninë, nje force politike antiemigracion dhe kundër islamit, ndërsa ne krye ishin socialdemokratet. Ata siguruan 30 perqind te votave, CDU 19 perqind, ndërsa AFD, 21 perqind. Ky eshte rezultati me zhgënjyes ne zgjedhjet rajonale per kristiandemokratet, ndërsa viti 2017 do te jete vit elektoral. Megjithatë, çdo parti ka përjashtuar koalicionin me Alternativen per Gjermaninë, e cila e krijuar prej tre vitesh përfaqësohet ne 9 nga 16 parlamentet rajonale. Disa prej figurave kryesore te CDU-së e quajtën këtë rezultat ne landin ne lindje te vendit katastrofik. Ne te ka ndikuar edhe fluksi i madh i emigranteve, ku vetem vitin e kaluar ne Gjermani mbërritën 1,1 milionë. Partneri i Merkel ne qeveri, zëvendësi i saj Sigmar Gabriel tha se duhen krijuar kushtet per integrimin e emigranteve, por edhe gjermanet nuk duhet te ndihen te lene mënjane. AFD po fiton terren ne Gjermani, kryesisht nga votuesit qe nuk mbështesin politiken e dyerve te hapura te kancelares.