Merkel: Gjermania është gati të flasë me talebanët

Gjermania është e gatshme të flasë me talebanët për të mbrojtur arritjet e 20 viteve të fundit.

Por kancelarja gjermane, Angela Merkel nënvizoi se talebanëve nuk do t’u ofrohet asnjë marrëveshje e pakushtëzuar.

Duke iu drejtuar parlamentit gjerman të mërkurën, ajo tha se qeveria do të vazhdojë evakuimet për personelin ushtarak dhe të atyre që punuan me Gjermaninë.

Merkel mbështet organet e OKB-së në ofrimin e ndihmës humanitare për njerëzit në Afganistan.

“Ky realitet i ri është një realitet i hidhur, por ne duhet të angazhohemi dhe të përballemi me të”, shtoi Merkel.