Merkel, disfatë edhe në Berlin

Pas humbjes se zgjedhjeve rajonale ne landin Mecklenburg-Vorpomern, partia kristiandemokrate e kancelares gjermane Angela Merkel pësoi disfate edhe ne Berlin. CDU siguroi vetëm 17,6 perqind te votave, rezultati me i dobët ne kete land, ndërsa e para u rendit partia Socialdemokrate me 22 perqind te votave. Me keto shifra CDU dhe socialdemokratet e qendrës se majte nuk do te mund te qeverisin me te vetëm ne koalicion. Nje rezultat surprize arriti partia qe kundërshton politikat miqësore ndaj emigranteve, “Alternativa per Gjermaninë”, me 14 perqind te votave dhe per here te pare mundi te hyje ne parlamentin e Berlinit. Qe pas vendimit per te lejuar pranimin ne Gjermani te mbi 1 milion emigranteve, popullariteti i Merkel ka pësuar rënie. Rezultati i Alternatives per Gjermaninë, ka nxitur bashkëkryetarin e kësaj partie Joerg Meuthen te besoje se kjo është nje mundësi e mire per rezultatet e saj ne zgjedhjet parlamentare te vitit te ardhshëm. Tashme kjo force politike përfaqësohet ne 10 nga 16 parlamentet rajonale. Fushata zgjedhore ne Berlin u dominua nga probleme si fluksi i emigranteve, shërbimet jo cilësore publike, problemet me ndërtesat e shkollave dhe me strehimin.