Kancelarja e Gjermanisë, Angela Merkel, ka thënë këtë të mërkurën se Bashkimi Evropian po këmbëngul në marrëveshjen ekzistuese për daljen e Britanisë nga blloku.

 

Pas një takimi që Merkel, ka zhvilluar me kryeministren e Britanisë Theresa May, theksoi se gjërat po ndryshojnë në Londër. Sipas saj Bashkimi Evropian nuk e ka ndërmend të ndryshojë marrëveshjen e tërheqjes së Britanisë së Madhe.

 

Ndër të tjera Merkel shprehu angazhimin e Gjermanisë për të siguruar një dalje të rregullt të Britanisë nga Bashkimi Evropian.

 

Kryeministrja e Britanisë, Theresa May, ndërmorri një sërë bisedash me udhëheqësit evropian, në përpjekje për të bindur ata që të ndryshojnë marrëveshjen e Brexitit, pasi e njëjta nuk e ka mbështetjen e Parlamentit britanik.

 

Nëse Britania largohet nga Bashkimi Evropian pa një marrëveshje, pasojat parashikohet të jenë në tregjet financiare dhe tregti.

Leave a Reply

Your email address will not be published. Required fields are marked *