Melania Trump kryesoi mbledhjen e United Nations Security Council, duke i bërë thirrje komunitetit ndërkombëtar që të fuqizojë fëmijët përmes arsimit dhe teknologjisë, si bazë për ndërtimin e një paqeje të qëndrueshme. Kjo shënoi herën e parë që një Zonjë e Parë në detyrë drejton Këshillin e Sigurimit të OKB-së.
Për muajin mars, ajo mori drejtimin e Këshillit me temën “Fëmijët, teknologjia dhe arsimi në situata konflikti”. Në paraqitjen e saj të parë si presidente e Këshillit, Melania Trump theksoi lidhjen e ngushtë mes arsimit, inovacionit teknologjik dhe paqes, duke nënvizuar rëndësinë e qasjes së barabartë në mësim dhe teknologji për të ndërtuar një botë më të sigurt.
Duke iu drejtuar anëtarëve të Këshillit, ajo deklaroi se “paqja nuk duhet të jetë e brishtë”, ndërsa shprehu solidaritet me familjet e viktimave të luftërave. Sipas saj, shoqëritë që mbrojnë dijen dhe arsimin, mbrojnë të ardhmen e tyre dhe nxisin mirëkuptim e tolerancë mes popujve.
.@FLOTUS presides over a meeting of the United Nations Security Council in New York City regarding education’s role in advancing tolerance and world peace pic.twitter.com/m2bak4wNxz
— Rapid Response 47 (@RapidResponse47) March 2, 2026
Zonja e Parë foli edhe për rolin e inteligjencës artificiale, duke theksuar se ajo ka “demokratizuar dijen”, pasi u mundëson njerëzve kudo në botë të kenë qasje në sasi të mëdha informacioni. Sipas saj, kjo mund të ndihmojë në ngushtimin e hendekut teknologjik dhe të forcojë paqen globale.
Në përfundim, ajo i bëri thirrje bashkësisë ndërkombëtare të investojë më shumë në arsim dhe të garantojë qasje të plotë në teknologji, duke theksuar se rruga drejt paqes kalon përmes dijes. “Konflikti lind nga injoranca, ndërsa dija krijon mirëkuptim dhe unitet”, u shpreh ajo.
/vizionplus.tv
