Mel Gibson ka zbuluar se në vitet ’80, producenti Albert R. Broccoli i kishte ofruar rolin e James Bond. Gibson, që atëherë ishte 26 vjeç, vendosi ta refuzonte ofertën, pasi kishte frikë se mund të mbetej i lidhur për gjithë jetën me atë personazh, njësoj siç ndodhi me Sean Connery.
Gjithashtu, ai ka treguar se i ishte ofruar roli i Maximus në filmin “Gladiator” të Ridley Scott, por nuk mundi ta pranonte për shkak të angazhimeve të tij me filmin “The Patriot”. Gibson gjithashtu shprehu respekt dhe admirim për performancën e Russell Crowe në rolin e Maximus.
Këto zbulime ai i bëri gjatë një paneli në MegaCon 2025 që po mbahet në Orlando, Florida.
