Ish-kryeministri Sali Berisha ka reaguar në lidhje me operacionin e fundit të SPAK ku është arrestuar biznesmeni Pëllumb Gjoka.
Në një deklaratë për mediat Berisha deklaroi se Pëllumb Gjoka me ndihmën e Kryeministrit Edi Rama ka grabitur metra katrorë në Velipojë.
Ish-kryeministri tha se Gjoka ishte i afërt me Ramën sa dhe vetë ish-Sekretari I Përgjithshëm i PS-së Damian Gjiknurin.
“Krahas shkarkimit të Damian Gjiknurit, numrit dy të PS, sot është njoftuar arrestimi i disa krerëve të botës së krimit shtetëror dhe të lidhur me shtetin.
Sot është arrestuar Pëllumb Gjoka, një nga banditët kryesorë, një njeri, i cili me ndihmën e Edi Rramës, ka grabitur rreth 100 mijë metra katrorë në Velipojë. Akuzohet edhe për vrasje njerëzish.
Pëllumb Gjoka ka një motel këtu, të cilit Edi Rama i ka dhënë apo donte t’i jepte pesë yje dhe kazino.
Pëllumb Gjoka ishte po kaq i afërt me Edi Rramën sa Damian Gjiknuri.”-u shpreh Berisha.
