Mediu takon Bashën për zgjedhjet

Opozita përforcon qëndrimet për krijimin e një qeverie teknike, e cila sipas saj do të organizonte e do garantonte zgjedhjet e lira e të ndershme. Mesditën e së hënës, kreu republikan Fatmir Mediu zhvilloi një takim me kryetarin e PD-së Lulzim Basha, me të cilin bisedoi mbi zhvillimet më të fundit politike në vend. Për mediat, Mediu tha se vetëm një qeveri teknike, ku do të përfshiheshin të gjitha partitë parlamentare, do mund të garantojë një proces zgjedhor, larg presioneve politike, por edhe atyre financiare, që vijnë nga bota e narkotrafikut.