Kryetari i Partisë Republikane, Fatmir Mediu vlerëson ish-kryeministrin Sali Berisha si një nga politikanët më të çmuar të Shqipërisë. Në studion e “7 pa 5” në “Vizion Plus”, me gazetarin Thimi Samarxhiu, ai deklaroi se Berisha ka merita për shumë procese të rëndësishme për Shqipërinë.
“Sali Berisha është një nga shtetarët vërtetë më të çmuar të këtyre 30 viteve me ato që ka bërë për hapjen e Shqipërisë, ndryshimet demokratike dhe hapat e rëndësishëm për të vendosur Shqipërinë në atë nivel ku i takon. Në këto 30 vite, momentet e rëndësishme historike, mbajnë firmën e Sali Berishës. Është një vlerë e çmuar e politikës dhe e PD.”
Kurse për kreun e PD, Lulzim Basha, kryerepublikani u shpreh se është një lider interaktiv dhe përpiqet të krijojë marrëdhënie.
