“Më tradhtonte, nuk pendohem”, vrau gruan në sy të fëmijëve, dëshmia kontradiktore e 40-vjeçarit: M’u errësuan sytë, nuk doja ta bëja

Ditën e sotme ka dalë para gjykatës  Pandeli Nakoleci, 40-vjeçari shqiptar që vrau gruan e tij 36-vjeçare në Volos, para fëmijëve të tyre.

Gazetarët e pyetën “Pse e bëre?” dhe “A je penduar?”, por ai nuk foli, duke qëndruar kokulur dhe në heshtje.

Lexo edhe :

Related Posts

Një goditje me thikë në gjoks i mori jetën, vrasja e 36-vjeçares shqiptare, dalin rezultatet e ekspertizës mjeko-ligjore: Plagë në qafë, ka tentuar të mbrohet

Vrau gruan në sy të vajzës, arrestohet 40-vjeçari shqiptar në Greqi

“Ajo më tradhëtonte, çfarë duhet të bëja”, dalin pamjet nga momenti i arrestimit të shqiptarit që vrau gruan në sy të fëmijëve

Sipas mediave greke, në Gjykatë ai u takua me vajzën e tij 18-vjeçare, së cilës i tha: “M’u errësuan sytë, nuk doja ta bëja.”

Nakoleci akuzohet për veprën penale “vrasje me dashje”.

Me urdhër të Prokurorisë, do të hetohet shtrimi i autorit në spital psikiatrik në qershorin e kaluar, si dhe kushtet në të cilat ai u lirua pas trajtimit.

Ngjarja

Pas krimit, 40-vjeçari u zhduk për më shumë se 24 orë, për t’i shpëtuar arrestimit. Ai u gjet i fshehur në një zonë me barishte, rreth 200 metra larg shtëpisë, në një parking të vjetër.

Dëshmitarët thanë se gjatë arrestimit ai u tha policëve: “E vrava sepse më tradhtonte. Mirë ia bëra. Këtë meritonte. Nuk pendohem për asgjë.”

Në momentin e arrestimit ai kishte veshur rroba të tjera, ndryshe nga ato që kishte gjatë krimit, të cilat besohet se i kishte gjetur në kazanin e mbeturinave.

Sipas autoriteteve, mes çiftit nuk kishte pasur histori të mëparshme të dhunës në familje./vizionplus.tv