Gjatë 24 orëve të fundit, Maqedonia e Veriut ka regjistruar 3 viktima dhe 74 raste të reja pozitive me koronavirus, nga 689 testime të realizuara.
Autoritetet shëndetësore deklaruan se qytetarët që kanë ndërruar jetë në kushte spitalore ishte një pacient nga Manastiri në moshën 73 vjeçe, një pacient nga Demir Hisar në moshën 73 vjeçe, si dhe një grua 44 vjeçe nga Shkupi.
Po ashtu, janë shëruar edhe 90 pacientë, duke e çuar në total numrin e personave që e kanë fituar betejën në 6972. Që prej fillimit të pandemisë, 500 qytetarë kanë ndërruar jetë në total, ndërsa mbi 11 mijë janë infektuar.
