Me Range Rover dhe pistoletë në çantë, kapet i riu durrsak

Policia e Durrësit ka arrestuar në flagrancë një 26-vjeçar nga Manza, i cili qarkullonte me armë zjarri me vete.

Enger Muça, 26 vjeç, u ndalua në aksin rrugor Manëz-Maminas, teksa po levizte me automjetin tip “Range Rover”.

Gjatë kontrollit të ushtruar në çantën e dorës, iu gjetën dhe sekuestruan në cilësinë e provës materiale, 1 armë zjarri pistoletë dhe 2 krëhëra me 15 fishekë.