Disa qytetarë në Shkodër dolën mbrëmjen e kësaj të marte në qendër të qytetit me qirinj në dua, në shenjë proteste ndaj vrasjes së 25-vjeçarit Klodjan Rasha nga efektivi i Reneas.
25-vjeçari u vra nga polica gjatë mesnatës pasi nuk iu bind urdhrit për të ndaluar. Ai u qëllua me dy plumba nga një efektiv, vetëm pak metra larg banesës. Njëri nga plumbat e kapi në shpatull e tjetri në kokë, duke i shkaktuar vdekjen. Sipas bluve të kryeqytetit, i riu, i cili kishte dalë jashtë fashës orare të lejuar, u largua me shpejtësi sapo konstatoi patrullën e policisë.
Familjarët e 25-vjeçarit mohojnë kategorikisht deklaratën e policisë se Klodian Rasha ka qenë i armatosur. Sipas xhaxhait, Klodiani më herët është kuruar dhe nga probleme të shëndetit mendor.
