Më pak plazhe publike në Vlorë/ Pushuesit: Çmimet në hapësirat private janë rritur

Në vijën bregdetare përgjatë Lungomares ka më pak hapësira për plazhet publike.

Pushues të ardhur nga qytete të ndryshme, por dhe emigrantë nga Italia thonë se Vlora ka ndryshuar e në veçanti plazhet e saj. Ata ngrenë si shqetësim mungesën e dusheve, tualeteve publike si dhe papastërtitë.

Numri i pushuesve që zgjedhin hapësirat private po rritet gjithashtu. Megjithatë, qytetarët shprehen se kostot janë shumë të larta dhe të papërballueshme nga mosha e tretë.

Vlora po mbipopullohet nga dita në ditë. Ky sezon turistik po pret pushues shqiptarë e të huaj nga vende të ndryshme të botës.