Me armë zjarri pa leje në makinë/ Arrestohen 2 persona

Dy persona u arrestuan gjatë një aksioni policor këtë të hënë. Gjatë një kontrolli të rastësishëm të kryer nga efektivët e Durrësit në makinën e shtetasit R. F., 43 vjeç, u gjet një armë zjarri pa leje tip “Beretta”.

I akuzuar për armëmbajtje pa leje, ai u arrestua. Ndërkohë, në pranga ra edhe pasagjeri S. H., 28 vjeç i cili akuzohet për “Moskallëzim krimi”. 43-vjeçari rrezikon deri në 7 vjet burg.