Lëvizte pa patentë dhe iu gjet armë zjarri në banesë, arrestohet 17-vjeçari

Policia e Beratit ka arrestuar një 17-vjeçar, pasi akuzohet se mbante armë zjarri në banesë dhe qarkullonte me mjet pa leje drejtim.

Në pranga përfundoi i mituri me iniciale XH.S., banues në lagjen “28 Nëntori”, Ura Vajgurore.

Gjatë kontrollit të ushtruar nga uniformat blu në banesën e 17-vjeçarit, iu gjet një armë zjarri automatik, e cila u bllokua në cilësinë e provës materiale.

Po ashtu, ai u konstatua duke drejtuar mjetin pa leje drejtimi, në aksin rrugor Urë Vajgurore-Berat.