Policia e Durrësit ka arrestuar një 19-vjeçar për armëmbajtje pa leje.
Në pranga përfundoi shtetasit A.K., i cili ndodhej i armatosur brenda në ambientet e një lokali.
Gjatë kontrollit fizik të ushtruar ndaj të riut, uniformat blu i gjetën në trup një armë zjarri pistoletë “Ekol”, të cilën e mbante pa leje.
Materialet i kaluan Prokurorisë së Rrethit Gjyqësor Durrës për veprën penale “Armëmbajtja pa leje” për të cilën parashikohet dënimi deri në 7 vite burg.