Zëvendëspresidenti i Partisë Popullore Europiane njëherësh kreu i Komisionit te Jashtëm te Parlamentit Europian, David Mcallister, i cili do të ndërmjetësojë krizën politike në Shqipëri mbërrin në aeroportin e Rinasit në orën 12:55.
Në këtë vizitë zyrtari i lartë i unionit shoqërohet nga raporteri per Shqipërinë Knut Fleckestein.
Sikurse bëhet me dije, z.McAllister do të zhvillojë takime me kryeministrin Edi Rama dhe kryeparlamentarin Meta në orën 15:00, që pritet të zgjasë për rreth 60 minuta.
Pas këtij takimi, dy zyrtarët e lartë të unionit do të bisedojnë edhe me kreun e Partisë Demokratike, Lulzim Basha, që pritet të nisë në orën 16:00.
Gjatë këtyre takimeve McAllister do të sjellë draft-propozime për palët me qëllimin final gjetjen e një konsesnusi për zgjidhjen e krizës politike, votimin e reformës në drejtësi dhe mbajten e zgjedhjeve parlamentare.
Vizion Plus mëson se ky draf nuk i është dorëzuar paraprakisht asnjë subjekti politik në Shqipëri.
Kreu i Komisionit te Jashtëm David Mcallister do te largohet nga Tirana te mërkurën.