Një ngjarje tragjike është regjistruar këtë të mërkurë në Mat.
Një person i identifikuar si, Valentin Simon Nikolli, është mbytur në Urën e Zogut, ndërsa trupi i tij ende nuk është gjetur.
Mësohet se është kërkuar ndihma e polumbarëve për të gjetur trupin e viktimës. Mësohet se i ndjeri ishte duke peshkuar në momentin tragjik.
Njoftimi i policisë:
Në lumin Mat, në territorin e njësisë administrative Zejmen, në vendin e quajtur “Ura me harqe”, shtetasi V. N., 22 vjeç, banues në Milot, dyshohet se gjatë peshkimit me shokët e tij, aksidentalisht ka rënë në lumë dhe e ka marrë rrjedha.
Në vendngjarje kanë shkuar shërbimet e Policisë dhe skuadra e polumbarëve e Repartit Special RENEA, të cilët kanë filluar kërkimet për gjetjen e 22-vjeçarit.
Grupi hetimor, në drejtimin e Prokurorisë, po pyesin në cilësinë e personave që kanë dijeni për rrethanat e ngjarjes, shokët e shtetasit V. N. që kanë qenë bashkë me të, me qëllim sqarimin e plotë të ngjarjes.
