Mbytet një 25 vjeçar në liqenin e Shkodres

Një 25 vjeçar është mbytur paraditen e kësaj të enjte në ujërat e liqenit të Shkodrës. Viktima është Elvis Jaku 25 vjeç, nga Lezha. Sipas policisë jaku ishte student në Shkodër dhe ka qenë duke u larë në ujërat e këtij liqeni sëbashku me një grup shokësh kur për shkaqe ende te paqarta është mbytur. Kanë qenë shokët ata që e kanë dërguar me urgjencë në spitalin e Shkodres, por nuk ka mundur të mbijetojë. Policia e Shkodrës ka nisur hetimet për zbardhjen e plotë të rrethanave të kësaj ngjarje.