Mbyten 34 emigrantë në Egje

Ne Egje është shënuar tragjedia e radhës e emigranteve. 34 persona kane gjetur vdekjen pranë brigjeve turke ne Ayvalik dhe Dikili, pas mbytjes se dy gomoneve, me te cilat udhëtonin drejt ishullit grek Lesbos. Mjetet lundruese janë përmbysur si pasoje e kushteve te këqija te motit. Mes viktimave janë edhe tre fëmije. Trupat e te mbyturve qëndruan per disa ore ne breg ne pritje për t’u zhvendosur dhe pamjet tragjike janë fiksuar nga turistet qe gjendeshin aty pranë. Pas nje operacioni kërkim shpëtimi te rojave bregdetare, 12 persona arritën te shpëtojnë, nje pjese e te cilëve dolën me not ne breg. Gomonet besohet te jene përplasur me shkëmbinj dhe viktimat janë siriane, irakiane dhe algjeriane. Ndonëse disa kishin veshur jelekë shpëtimi, nuk arritën te mbijetonin. Kjo është tragjedia e pare per këtë vit, ndërsa gjate 2015 rreth 4 mije emigrante humben jetën ne det ne përpjekje per te prekur Europen. Fluksi i tyre nuk ndalet, ndërsa disa vende kane rikthyer kontrollet ne kufij për te frenuar valën e refugjateve. Pas Suedisë dhe Danimarkës, edhe Italia është gati te riktheje kontrollet ne kufirin me Slloveninë. Zedhenesi i Komisionit Europian, Margaritis Schinas deklaroi se Shengeni është nen presionin dhe se komisioni po punon për te rikthyer situatën ne normalitet përmes nje serie masash.