Mbyllet votimi për Asamblenë

Partia Socialiste ka shpallur listën me 174 anëtaret e Asamblesë Kombëtare, qe dolën nga votimit i kongresit mbrëmjen e se shtunës. Ne kete liste bie ne sy emri i Koço Kokedhimes, i vetmi deputet qe zgjidhet ne asamble pasi anëtaret e Parlamentit, janë automatikisht pjese e këtij forumi. E duke qene se çështja e mandatit te Kokedhimes është ne Kushtetuese, sido qe te jete vendimi i Gjykatës, Kokedhima do te jete pjese e Asamblesë. Gjithashtu ne këtë liste bie ne sy zgjedhja e ish-kryetareve te bashkive Fier, Berat e Gjirokastër; Baftjar Zeqaj, Fadil Nasufi e Stefan Cipa. Pjese e asamblesë janë bere edhe disa drejtore si ai i OSHEE Ardian Çela. Drejtoresha e QSUT Ogerta Manastirliu apo edhe nënkryetari i bashkisë se Tiranës Arbian Mazniku. Ndërkohë qe anëtar i këtij forumi është bere edhe Bukurosh Stafa i denoncuar nga Ben Blushi, si njeriu qe bashkoi votën me Berishën ne 2007. Krahasuar me listën e vjetër te anëtareve te Asamblesë Kombëtare, pjese e ketij forumi, nuk do te jene Maqo Lakrori dhe Petrit Ago, dy njerëzit qe ne kongresin e shtunës bashkuan votat me Blushin kundër statutit. Kandidatet per Asamblenë Kombëtare te PS, plotësuan disa kritere e para qe te mos kishin statusin e nëpunësit civil, 50% e kandidaturave te ishin zonja dhe 20% te ishin te rinj deri ne 30 vjeç. Tani i takon Asamblesë qe te zgjedhe forumet drejtuese te Partisë Socialiste. E ndërsa ka përfunduar ky proces, partia me e madhe e mazhorances duhet te filloje përgatitjet per Referendumin e 9 prillit, ku do te vendoset nëse do te ketë apo jo gare për kryetarin e partisë.