Prokuroria mbylli hetimet për gjyqtaren e Gjykatës së Lartë, Majlinda Andrea, ndërsa dosja ka mbërritur ne Gjykate me akuzën e korrupsionit pasiv. Andrea akuzohet se nëpërmjet bashkëshortit të saj ka marrë një shumë prej 50 mijë eurosh për të ndikuar në vendimin, ku gjyqtarja ishte anëtare. Çështja kishte ne fokus njohjen e pronësisë per rreth 40 hektarë truall në zonën e Butrintit në Sarandë. Në korrik të këtij viti, organi i akuzës zbardhi skemën korruptive, disa ditë pasi gjyqtarja kishte dhënë vendimin. Deri më tani të arrestuar për këtë çështje janë edhe Ilia Çabiri, Petraq Dashi dhe Eleni Lino, ndërsa në kërkim është shpallur bashkëshorti i gjyqtares, Odise Andrea.
