Dy punonjës të policisë bashkiake në Pogradec u arrestuan në flagrancë pasi u përpoqën që të pengonin procesin zgjedhor.
Efektivët e arrestuar janë shtetasit S.B, 61 vjeç dhe G.B, 59 vjeç, banues të dy në Pogradec.
Arrestimi i tyre u bë pasi u kapën në flagrancë nga shërbimet e Komisariatit të Policisë Pogradec, duke mbyllur me çelës tre shkolla dhe një kopsht fëmijësh në lagjet nr 2 dhe 5 të qytetit të Pogradecit, të cilat nga Komisioni Qendror i Zgjedhjeve janë vendosur dhe miratuar si qendra votimi, për zgjedhjet e Pushtetit Vendor të datës 30.06.2019.