Aktiviste te shoqërisë civile e qytetare u bashkuan ketë te shtune përballë Drejtorisë së Policisë ne Tiranë, ku protestuan kundër vrasjes së vajzave dhe grave. Tubimi u organizua duke marrë shkas nga vrasja tronditëse e 19- vjeçares Xhuljeta Çuni nga Xhafer Mata, i cili më pas qëlloi edhe veten. Protestuesit përmenden edhe raste të tjera të ngjashme, ndërsa kërkuan nga autoritetet që t’i trajtojnë seriozisht denoncimet e vajzave dhe grave për dhunë apo përndjekje, në mënyrë që krime të tilla mos përsëriten. Një tjetër kërkesë e parashtruar në tubim ishte që personat e dënuar për dhunë apo krime në familje të mos përfitojnë nga gjykimi i shkurtuar.
