Parlamenti britanik do të pezullohet për 5 javë rresht duke filluar nga shtatori deri më 14 tetor, kur mbretëresha Elisabet do të mbajë një fjalim ku do të parashtrojë axhendën legjislative të qeverisë Johnson.
Më herët gjatë kësaj të marte, kryeministri I Britansië së Madhe I kërkoi mbretëreshës marrjen e kësaj mase me argumentin se pavarësisht divorcit me BE I cili do të ndodhë më 31 tetor, me ose pa marrëveshje, qeveria e re nuk duhet të humabsë kohë.
“Vendi ynë nuk mund të presë 31 tetorin për të lëvizur përpara. Kjo qeveri e re ka një axhendë fantastike që premton shumë për të ardhmen e britanikëve prandaj ne kemi nevojë për një legjislativ të ri. Për këtë arsye I kam nisur madhërisë së saj, mbretëreshës një kërkesë për pezullimin e parlamentit dhe mbajtjen e një fjalimi më datë 14 tetor.”
Pezullimi i parlamentit, ka shkaktuar zemërim tek klasa politike. Shumë janë të mendimit se kjo lëvizje do i ndalojë deputetët të luajnë rolin e tyre demokratik në procesin e Brexit. Ndërkohë që nuk përjashtohet as mundësia e një mocioni mosbesimi ndaj Qeverisë së Boris Johnson.
Kryetari i Dhomës së Komuneve, John Bercow e cilësoi si “një absurditet kushtetues” veprimin e kryeministrit dhe tha se qëllimi i qartë i kësaj mase është “të ndalet debati në Parlament në prag të Brexitit dhe të pengohet puna e legjislativit në detyrën e tij për t’i dhënë formë kursit të vendit”.
