I pajisur me maskë mbrojtëse, kryeministri Edi Rama mbërriti pak minuta më parë në mbledhjen e Këshillit Politik, ku do të diskurohet rreth miratimit të ndryshimeve kushtetuese për hapjen e pjesshme të listave dhe heqjen e koalicioneve parazgjedhore.
PD do të përfaqësohet nga sekretari i përgjithshëm Gazment Bardhi, pasi kryedemokrati Basha do të zhvillojë një vizitë dyditore në Kosovë. Nga ana tjetër, opozita parlamentare do të përfaqësohet me Rudina Hajdarin dhe deputetin Myslym Murrizi.
Ndërkohë, presidenti Ilir Meta, i cili propozoi që këto ndryshime të diskutohen mes palëve në tryezën e Këshillit Politik nuk e ka konfirmuar ende pjesëmarrjen.
