Komuniteti Politik Europian, një propozim i presidentit francez Emanuel Macron mbajti dje mbledhjen e parë në Pragë. Liderët e BE dhe ata të vendeve jo anëtare u ulën së bashku në tryezë.
Eksperti i Integrimit Gledis Gjepali komentoi këtë mbledhje mbrëmjen e sotme në studion e lajmeve të Vizion Plus, me moderatoren Pranvera Borakaj.
Gjepali tha se ky takim i parë, i cili bëri bashkë 44 liderë ishte një sukses.
“Si takim i parë, mbledhja e parë e këtij komuniteti ishte suksesi sepse kishim 44 lider nga gjithë kontinenti europian. U vu re mungesa, dhe sigurisht që nuk mund të ftoheshin, e Rusisë dhe Bjellorusisë, pra krijimi i një fronti të cilët janë kundër Rusisë për luftën që po shkakton në Ukrainë”, tha Gjepali.
Eksperti tha se mesazhi politik i kësaj mbledhje është që Europa është e bashkuar, për të shmangur konfliktet e së ardhmes.
“Mesazhi politik kryesor ishte që Europa është e bashkuar, ne po mblidhemi këtu për të shmangur konfliktet e ardhshme, për të qenë një zë për luftën aktuale në Ukrainë si dhe për të parë mundësi të ndryshme bashkëpunimi në nivel të lartë politik dhe me vendet që nuk janë pjesë e BE apo edhe që nuk do jenë në të ardhmen, pra që nuk janë pjesë e zgjerimit”, tha ai.
Referuar pjesëmarrjes së Shqipërisë dhe vendeve të Ballkanit në këtë forum, Gjepali deklaroi se është plus, për tu shprehur në lidhje me interesat që ata kanë.
“Për Shqipërinë dhe vendet e Ballkanit është një forum plus që mund të shprehen në lidhje me interesat që Ballkani ka, jo vetëm sa I takon procesit të zgjerimit, por edhe për ccështje të sigurisë apo politika që I interesojnë të gjithë kontinentit. Ne kishim pjesëmarrës në këtë komunitet Turqia dhe Azejbarxhani që ka lidhje me Ballkanin. Kjo ofron mundësinë që në këtë forum të forcohen marrëdhëniet e vendeve, përtej BE si dhe të forcohet pozicioni I Ballkanit për rolin që ka në kontinent”, tha Gjepali.
Ekperti i Integrimit shtoi më tej se: “Është ende herëtpër të thënë se si do jetë ardhmëria e komitetit politik euopian. Janë hedhur disa ide për të pasur në qendër tregun e përbashkët, tregun e lirë midis vendeve të BE dhe vendeve të tjera dhe pa qenë anëtare mund ta shfrytëzojnë këtë treg, që do të kishte ngjashmëri me Open Balkan. Por për momentin kjo është një nismë politike dhe më pas do shihet nëse do shtrihet në element ekonomik apo të sigurisë”.
Por a do të anëtarësohen vendet e Ballkanit në BE?
“Krizat kanë shtyrë që BE të jetë më e hapur. Kjo u rrit edhe me përshpejtimin për anëtarësimin e Ukrainës.
Është një mundësi e mirë që mund të shfrytëzohet për të çuar Ballkanin më shpejt në BE”, tha Gjepali.
