Paralelisht me mbledhjen e Këshillit të Mandateve ditën e sotme, ku u vendos fati politik i Sali Berishës, ky i fundit para Kryesisë së Kuvendit kishte thirrur protestë.
Liçianoi Boçi, i ftuar në emisionin “Quo Vadis” në Vizion Plus me gazetaren Pranvera Borakaj ka treguar arsyen pse protesta u thirr pikërisht sot. Sipas tij sot u bë një veprim antikushtetues nga Këshilli dhe për këtë arsye protesta ishte thirrur në datë 18.
Boçi: Këtu bëhet fjalë për pluralizimin, jo për Sali Berishën.
Pse duhet të mblidhej sot protesta?
Boçi: Pse mbledhja e Këshillit të Mandateve është simbol? Nuk ishte as shenjë force…por ishte shenjë e një shqetësimi për zhdukjen e pluralizmit në Shqipëri. Sot e ka më domethënëse transmetimin, fushëprekjen e shqetësimit më të madh sepse bëhet paralelisht me një veprim antikushtetues, anti parlamentar.
Pse nuk e nisët mbrojtejn e Kushtetutës që në tetor?
Boçi: Përpjekja për mbrojtejn e Kushtetutës ka nisur në tetor. Unë nuk jam anëtar i Parlamentit tani, por në tetor kam qenë kryetar i Grupit Parlamentar. Ne kemi kërkuar që Rama të vinte në Parlament për çështjen McGonigal dhe Rama u fsheh për tre javë. Ja pra që e kemi nisur që në tetor. Ne e bëmë sepse SPAK kaloi një kompetencë tjetër kushtetuese. Kur SPAK tejkalon një kompetencë, atëherë çështja u gjykua të çohet në Gjykatë Kushtetuese. Dhe u çua në Gjykatë.
Me 6 vota pro, asnjë abstenim dhe asnjë kundër, Këshilli për Mandatet Rregulloren dhe Imunitetin, pas 4 orë diskutimesh vendosi për heqjen e mandatit për deputetin Sali Berisha.
Kryetarja e Kuvendit Lindita Nikolla, deputetët e PS Bledi Çuçi, Ermonela Felaj, Arben Pëllumbi, Klotilda Bushka dhe deputeti i PD, Enkelejd Alibeaj, votuan në mënyrë unamine pro heqjes së mandatit për deputetin Sali Berisha.
Në fund të mbledhjes relatore e çështjes u caktua Klotilda Bushka, ndërsa u caktua që votimi në Kuvend për heqjen e imunitetit të Sali Berishës të bëhet në seancën plenare të ditës së enjte në 21 Dhjetor./vizionplus.tv
