Mbi 850 mijë të vaksinuar në Greqi

Ministri i Shëndetësisë në Greqi, Vassilis Kikilias deklaroi se procesi i vaksinimit po ecën siç duhet.

Ai deklaroi se deri tani janë vaksinuar më shumë se 850 mijë qytetarë, ndërsa shpreson se në fund të kësaj sfide Greqia do të dalë e fituar.

“Ne përpiqemi sepse i respektojmë bashkëqytetarët tanë. Kështu do të bëjmë derisa të përfundojmë procesin e vaksinimit. Unë dua të them se ne kemi tejkaluar 850.000 vaksinime dhe nëse dikush llogarit dozën e parë, me 5.3% ne jemi vendi i tretë në Evropë. Këto janë elementë të rëndësishëm për të kuptuar se sa përpjekje është bërë. E gjithë bota po bën një betejë të madhe, ka lodhje, por ka shpresë dhe shpresa është forca lëvizëse dhe ne do të kemi sukses.”