Dhjetëra mijëra refugjatë ukrainas janë punësuar në sektorët e prodhimit, ndërtimit, transportit dhe shërbimeve të Republikës Çeke, duke plotësuar vendet vakante, sipas të dhënave të zyrës së punës.
Që nga fillimi i pushtimit rus në fund të shkurtit, mbi 348 000 ukrainas kanë gjetur strehim në Republikën Çeke dhe kanë marrë leje qëndrimi.
Më shumë se një e treta e tyre janë kthyer në shtëpi ose janë zhvendosur në vende të tjera.
Mes atyre që kanë qëndruar, mbi 50 000 refugjatë ukrainas kanë gjetur punë në industri që kanë nevojë për punëtorë.
Konfederata çeke e sindikatave CMKOS paralajmëroi se nuk duhet të shfrytëzohet situata e refugjatëve duke i përdorur ata si fuqi punëtore e lirë.
Qeveria në Pragë ka miratuar një sërë masash për të shtrënguar përfitimet që marrin refugjatët, megjithëse ato ende duhet të miratohen nga parlamenti.
