“Mbi 12 mijë të infektuar dhe 1.490 viktima”/ Mjeku: Ja ç’do ndodhte nëse do vepronim si Suedia
Mjeku i njohur, Tritan Kalo shprehet se nëse Shqipëria do të ndiqte modelin e Suedisë për përballimin e luftës kundër koronavirusit, vendi ynë do të regjistronte aktualisht 12.863 të infektuar dhe 1.490 viktima.
Përmes një postimi në “Facebook”, Kalo theksoi se ka ende rrugë për të bërë dhe se bluzat e bardha do të jenë gjithmonë pranë pacientëve.
“KOHË dhe OPINONE COVIDIANE…..NËSE në SHQIPËRI do të vepronim si në Suedi: “Në ndryshim nga e gjithë bota, Suedia nuk vendosi një karantinë të plotë ndërsa u mbështet tek përgjegjësia e qytetarëve dhe tek ajo që quhet ‘imuniteti i tufës’. Deri më tani vendi numëron 38,589 të infektuar me virusin korona dhe 4,468 viktima.”….Popullata e saj është tre herë më e lartë se e jona, ndaj dhe këto shifra mundet të përpjesoten me tre nëse do të zbatohej një skenar i tillë edhe në Shqipëri, pra do të kishim deri më tash 12.863 ta infektuar dhe 1.490 viktima, në dallim me aktualitetin e 1.184 të infektuarve dhe të 34 humbjeve jetësh….. NE si popullatë përballë shifrave të tilla a do të ishim vallë pro këshillave për mbylljen, vetëizolimin, distancimin fizik, higjenën personale dhe kolektive, ajrimin e shpeshtë të mjediseve, hidrimit e kujdesshëm, ushqimin e pasur me vitamina, minerale e proteina, etj???….Përsa i përket KOHËZGJATJES së quarantinës (40 ditëshit), tej këtij kufiri kohor kjo gjë përbën një subjekt diskutimi kudo në botë, POR askush nuk e ka diskutuar në thelb deri më tash qëllimin dobiprurës të saj…..”
Ndër të tjera, mjeku përçoi edhe një mesazh për “militantët e çdo krahu politik”, siç i quan ai.
“PËRDORIMI apo KEQPËRDORIMI politik i saj, përbën një kapitull jashtë këtij postimi….PROFESIONALIZMI realisht i lën shumë pak vend POLITIKËS për politikë, jashtë Politikave zhvillimore për Shëndetësinë Publike…..BASHKË, me MIRËBESIM dhe me MIRËKUPTIM reciprok, NE me siguri do i bëjmë ballë deri në fund sfidës Sars-Cov2/Covid-19….KEMI ENDE udhë pët të bërë….MANTELBARDHËT ishin, janë dhe kurdoherë do të gjinden pranë jush…JEMI BETUAR për këtë gjë, dhe NE i qëndrojmë betimit tonë….I LUTEM militantëve të verbër të çdo krahu politik, të qëndrojnë larg opinioneve të pabukta për këtë postim!”
