Mbledhja e emergjencave civile të prefektures Shkodër për masat kundër përmbytjeve në prag të stinës së dimrit, shoqerohet me debate mes perfaqësuesve të bashkisë Shkodër, prefektit, bordit të kullimit dhe inspektoriatit të mjedisit.
Shqetesimi kryesor hedhja e mbeturinave dhe inerteve ne shtreterit e lumenjve dhe liqenit te Shkodres.
Prefekti Çesk Millja nuk i ka kursyer kritikat ndaj bashkive:
Nuk kemi kryer detyrën në lartësinë e duhur, kjo është pergjegjësi e të gjithëve ne. Policia bashkiake duhet te kujdeset për territorin dhe të ndalojë abuzimet në këtë formë.
Kryetarja e bashkise Shkoder Voltana Ademi kërkoi përcaktimin e një vend depozitimi pasi Shkodra nuk e ka.
Kemi dërguar 2 shkresa me kërkesën përkatese në ministrinë e linjes, bazuar në VKM, por na është kthyer përgjigje negative. Të jepet një zgjidhje, kërkojme ndërhyrjen edhe tuajën. Takimi për sigurinë e rezervuareve, argjinaturave dhe digave vijoi me raportimet për situaten mbi kanalet kulluese dhe argjinaturat, ku në Shkodër janë disa zona që kane problematika, vecanerisht persa i perket erozionit.
