Kryeministri Edi Rama i kërkon kreut të demokratëve, Lulzim Basha që mos t’i shmanget shpjegimit për lidhjen e tij me raportin e Dick Marty. Pasi, sipas Ramës, në këtë mënyrë, po pohon se është kujdestar i dosjes së Shtëpisë së Verdhë.
Nëpërmjet një postimi në “Twitter”, kreu i qeverisë shkruan se Basha nuk ka qenë ndonjëherë dhe nuk është lideri i opozitës, por vijon të jetë një kukull.
“Lulëzim! Sa më shumë i shmangesh sqarimit për lidhjen tende me shpifesirën e Dick Marty dhe rrekesh të fshihesh pas pllakëe së gramafonit të prishur, aq më shumë pohon se je kujdestari i dosjes së Shtëpisë së Verdhë dhe përkthyesi i maskuar i shqiptarëve tê marrë në pyetje! Fakti që nuk ke gjunj të përballesh as me pyetjen, pse e votoi PD-LSI raportin e Dick Marty kur ne e votuam kundër(?), tregon se ti as ke qenë, as je, as bëhesh dot lideri i opozitës, po mbetesh kukulla e Saliut, Ilirit dhe Monikës!”
