Marrja e presidencës se OSBE-se nga Shqipëria ne vitin 2020, eshte padyshim arritja me e madhe diplomatike e vendit, arritje e kjo e cila ka pasur nje mbështetës te fuqishëm, Italine. Dhe per te provuar kete fakt, ministri italian i jashtëm Enzo Moavero Milanes ishte kete te marte ne Tirane, ne nje takim me homologun e tij ne detyre, Ditmir Bushati.
“Dua ta falënderoj në emër të Qeverisë Shqiptare, në emër të institucioneve dhe popullit shqiptar, mikun tim, ministrin e Jashtëm italian, Moavero, për gjithë mbështetjen që i ka dhënë Shqipërisë për të marrë kryesinë e OSBE-së, duke na dhënë në të njëjtën kohë mundësinë për të mësuar nga eksperienca e vyer italiane, duke qenë pjesë e Trojkës së OSBE-së, sepse për Shqipërinë do të jetë hera e parë, do të jetë një mundësi e shkëlqyer për të testuar kapacitetet tona diplomatike, politike, ndërvepruese jo vetëm me Italinë dhe Sllovakinë si pjesë e Trojkës, por edhe me vendet e tjera të cilat në shumë raste mund të kenë gjykime dhe opinione krejt të ndryshme nga vendi ynë.”
Nga ana e tij, kreu i diplomacisë Italiane e cilësoj shume te rëndësishme detyrën qe pritet te marre Shqipëria, por garantoj mbështetjen e vendit te tij
“OSBE është një organizatë shumë e rëndësishme, është një organizatë e cila bën të mundur të shndërrohen diskutime të forta rreth tryezave, në mungesë të së cilave situatat do përkeqësoheshin në konflikte. Prandaj Shqipëria ka një detyrë shumë të rëndësishme dhe ne do t’i japim maksimumin e asistencës mbi bazën e gjithçkaje që ne kemi mësuar gjatë këtij viti, gjatë kryesisë italiane.”
Milanesi nënvizoi edhe njehere mbështetjen qe vendi i tij i ka dhene dhe do vijoi ti jap Shqipërisë ne rrugën integruese drejt Bashkimit Europian.
