Shqipëria u rendit në vendin e 12-të në botërorin e skive, një rezultat historik ky për vendin tonë, që u arrit nga skiatorja 17 vjeçare, Lara Kolturi.

Ndërsa u prit në një takim nga kryebashkiaku i Tiranës Erion Veliaj, sportistja mori fjalën e tij për mbështetje në “Lojërat Olimpike Dimërore 2026”

“Jemi shumë krenarë për ty! Tani ke edhe një ‘fan club’ me shqiptarë që të ndjekin kudo. Ndihem shumë mirë që sot je këtu me ne, për të rikonfirmuar besnikërinë ndaj flamurit shqiptar. Ne si Bashki e Tiranës do të marrim një vendim për të qenë sponsor gjeneral i Larës. Duke qenë se është atlete e Klubit Sportiv Tirana duam që ta bëjmë këtë në afatgjatë; pra, të të japim mundësinë dhe komoditetin që të trajnohesh pa u shqetësuar për shpenzimet”, tha Veliaj.

Vajza e një nëne kampione olimpike si Daniela Ceçarelli, e cila është konsideruar si sportistja më e mirë e brezit të saj, Lara vendosi të lerë Italinë dhe të garojë me flamurin kuq e zi.

“Ju falënderoj vërtet për të gjithë mbështetjen që më jepni! Tani sezoni ka filluar dhe do të vazhdojmë përpara”, tha Larta Kolturi. 

Lara Kolturi u shpall e para në botë në raundin e dytë dhe e 12-ta në mesataren e dy kohëve, në Botërorin e skive!/vizionplus.tv

Leave a Reply

Your email address will not be published. Required fields are marked *