Sipas një studimi të botuar në revistën “Proceedings of the National Academy of Science”, përdorimi i maskave solli ndryshime me efekt mbrojtës.
Mbajtja e maskave me detyrim, i bën njerëzit që të ndërmarrin veprime të tjera siç janë: mbajtja e distancës fizike, ruajtja e higjienës dhe evitimi i shtrëngimit të duarve.
Ky studim nisi në mes të muajit prill deri në fund të majit, ku u vëzhguan rreth 7 mijë gjermanë.
Para se përdorimi i maskave të bëhej i detyrueshëm në hapësirat publike në Gjermani, u konstatua se këtë mase mbrojtëse kundër virusit e zbatonin vetëm 20 për qind e pjesëmarrësve në anketim.
Ndërsa pas marrjes së këtij vendimi, 80 për qind e të anketuarve nuk dilnin pa maskë nga shtëpia. Mirpëo, u dallua se edhe gjasat për të larë me shpesh duart dhe për të ruajtuar distancimin fizik ishin më të lartë.
