Ndërsa procesi i numërimit vijon në qendrat e votimit, kandidati për deputeti, Arbjan Mazniku beson se PS do të shkojë në 76 mandate.
Në një intervistë për “Zgjedhje 2021” në “Vizion Plus”, Mazniku, sipas projeksioneve të PS, është i bindur se do të marrin 5 mandate në Berat, 19 në Tiranë dhe 6 në qarkun e Korçës.
“Janë numëruar më shumë se 60 për qind e votave në të gjithë Shqipërinë. Tani jemi në 74 mandate, do të shkojmë në 76 mandate. Kutitë që do të vijojnë të numërohen, e dimë nga historia që kemi një përparësi me forcat e tjera. Shkodra ka shumë kohë që ne e dimë që do të marrë 3 mandate. Shkodra është një qark i hapur sepse ka edhe 100 kuti për të numëruar. Berati do të jetë 5 për PS, kurse LSI nuk do të marrë ndonjë mandat në Berat. Ndërkohë, në Tiranë, PS do të marrë 19 mandate.”
