Mazhoranca voton e vetme projektligjet

Në mungesë të opozitës, mazhoranca ka votuar të gjitha nismat ligjore, pjesë e rendit të ditës. Deputetët socialistë kanë votuar ndër të tjera, ligjin “për diasporën”, si dhe projektligje dhe vendime të tjera. Në fillim të seancës parlamentare, kryetari i kuvendit Gramoz Ruçi, bëri me dije se grupi parlamentar i Partisë Demokratike kishte kërkuar shtyrjen për pasdite te zhvillimit te debatit parlamentar. Por Ruci theksoi se kërkesa nuk bazohej as në kushtetutë dhe as në rregulloren e kuvendit. Seanca e kësaj të enjteje ishte ndër më të shkurtrat, si pasojë e mungesës së deputetëve të opozitës.